ബത്തേരി: വിസ്ഡം യൂത്ത് സംസ്ഥാന സമിതി നവംമ്പർ 16, 17 തീയതികളിൽ കണ്ണൂരിൽ നടക്കുന്ന ‘പ്രൊഫൈസ്’പ്രൊഫഷണൽസ് ഫാമിലി കോൺഫറൻസിന്റെ ഭാഗമായി വയനാട് ജില്ലാ സമിതി ഫോക്കസ് മീറ്റ് സംഘടിപ്പിച്ചു. വിവിധ മേഖലകളിലുള്ള പ്രഫഷണലുകൾ മീറ്റിൽ പങ്കെടുത്തു. പ്രൊഫഷണലുകൾ നേരിടുന്ന വെല്ലുവിളികൾക്കുള്ള പരിഹാരങ്ങളും പുതിയ ആശയങ്ങളും മീറ്റിൽ പങ്കുവയ്ക്കപ്പെട്ടു. ഫോക്കസ് ഫാമിലി മീറ്റ് വിസ്ഡം ഇസ്ലാമിക് ഓർഗനൈസേഷൻ ബത്തേരി സോൺ സെക്രട്ടറി പി.എം മൗലവി ഉദ്ഘാടനം ചെയ്തു. വിസ്ഡം യൂത്ത് വയനാട് ജില്ല പ്രസിഡൻ്റ് ഷഹീർ ഖാൻ സ്വലാഹി അധ്യക്ഷത വഹിച്ചു. വിസ്ഡം ജില്ലാ സെക്രട്ടറി അബ്ദുൽ റഹിമാൻ.കെ, നബീൽ സ്വലാഹി എന്നിവർ പ്രസംഗിച്ചു. നിഹാദ് എം.സി.സി മുഖ്യപ്രഭാഷണം നടത്തി. യൂത്ത് ജില്ലാ സെക്രട്ടറി ഷാജി വടുവൻചാൽ സ്വാഗതവും പ്രൊഫഷണൽ ജില്ലാ കൺവീനർ മുജീബ് റഹ്മാൻ പൊഴുതന നന്ദിയും പറഞ്ഞു.
