കാക്കവയൽ: വയനാട് ജില്ലാ എക്സൈസ് കായിക മേളയ്ക്ക് കാക്കവയൽ ഗവ. ഹയർ സെക്കൻഡറി സ്കൂൾ ഗ്രൗണ്ടിൽ തുടക്കമായി. സ്കൂൾ പ്രിൻസിപ്പൽ ബിജു ടി എം ഉദ്ഘാടനം നിർവഹിച്ചു. വയനാട് ഡെപ്യൂട്ടി എക്സൈസ് കമ്മിഷണറുടെ പൂർണ്ണ അധിക ചുമതലയുള്ള എക്സൈസ് അസിസ്റ്റന്റ് കമ്മിഷണർ ജിമ്മി ജോസഫ് അധ്യക്ഷത വഹിച്ചു. സ്പോർട്സ് ഓഫിസർ മണികണ്ഠൻ വി.കെ സ്വാഗതം ആശംസിച്ചു. ഏഷ്യൻ ഗെയിംസ് അത്‌ലറ്റ്സ് സുബേദാർ അബൂബക്കർ. ടി പതാക ഉയർത്തി. എക്സൈസ് ജീവനക്കാരും കുടുംബാംഗങ്ങളും വിവിധ മത്സരങ്ങളിൽ പങ്കെടുത്തു. എക്സൈസ് കലാമേള ഞായറാഴ്ച മീനങ്ങാടി മാർ ഗ്രിഗോറിയസ് ബി. എഡ് കോളേജ് ഓഡിറ്റോറിയത്തിൽ നടക്കും.
