കൽപ്പറ്റ: വയനാട് ജില്ലാ പഞ്ചഗുസ്തി ചാമ്പ്യൻഷിപ്പ് 16, 17 തിയതികളിൽ കൽപ്പറ്റ സെന്റ് ജോസഫ്സ് കോൺവെന്റ് സ്കൂളിൽ നടക്കും. അഞ്ച് കിലോ ഭാര വ്യത്യാസത്തിൽ എട്ട് വിഭാഗങ്ങളിലായാണ് മത്സരം. സബ് ജൂനിയർ, ജൂനിയർ , യൂത്ത്, സീനിയർ , മാസ്റ്റേഴ്സ്, ഗ്രാന്റ് മാസ്റ്റേഴ്സ്, സീനിയർ ഗ്രാന്റ് മാസ്റ്റേഴ്സ്, അംഗ പരിമിതർ എന്നീ വിഭാഗങ്ങളിലാണ് മത്സരം. ഇടത് കൈ, വലത് കൈ, ആൺക്കുട്ടി, പെൺക്കുട്ടി, പുരുഷ – വനിത എന്നിങ്ങനെ തരം തിരിച്ചാണ് മത്സരം. ഒന്ന്, രണ്ട്, മൂന്ന് സ്ഥാനക്കാരെ ഉൾപ്പെടുത്തി ജില്ലാ ടീമിനെ തെരഞ്ഞെടുക്കും. മത്സരത്തിൽ പങ്കെടുക്കാൻ താൽപ്പര്യമുള്ളവർ ജില്ലാ ഭാരവാഹികളുമായി ബന്ധപ്പെടണമെന്ന് ജില്ലാ പ്രസിഡൻ്റ് പി. കബീർ, സെക്രട്ടറി നവീൻ പോൾ എന്നിവർ വാർത്താ സമ്മേളനത്തിൽ അറിയിച്ചു.
