ബത്തേരി: ഓട്ടോറിക്ഷ കാറുമായി കൂട്ടിയിടിച്ച് മറിഞ്ഞു രണ്ടു വയസുകാരിക്ക് ദാരുണാന്ത്യം. നായ്ക്കട്ടി പിലാക്കാവ് ഊരാളി ഉന്നതിയിലെ രാജേഷ് – സുമ ദമ്പതികളുടെ മകൾ രാജലക്ഷ്മി (2) ആണ് മരിച്ചത്. ഇന്ന് രാവിലെ 7.30 മണിയോടെ സുൽത്താൻ ബത്തേരി മന്തണ്ടികുന്ന് കൂൾവെൽ എ സി സർവ്വീസിനു മുൻപിലാണ് അപകടം. കാർ യുടേൺ എടുക്കുമ്പോൾ കാറുമായി ഇടിച്ച് ഓട്ടോറിക്ഷ മറിയുകയായിരുന്നു.
കുട്ടി ഓട്ടോറിക്ഷയുടെ അടിയിൽപ്പെടുകയായിരുന്നു . ഗുരുതരമായി പരിക്കേറ്റ കുട്ടിയെ ഉടൻ തന്നെ ബത്തേരിയിലെ സ്വകാര്യ ആശുപത്രിയിൽ എത്തിച്ചെങ്കിലും മരണപ്പെട്ടു. മൃതദേഹം പോസ്റ്റുമോർട്ടം നടപടികൾക്കായി ബത്തേരി താലൂക്ക് ആശുപത്രിയിലേക്ക് മാറ്റി.