മാനന്തവാടി: ജോയ് പാലക്കമൂല എഴുതിയ ചെറുവയൽ രാമൻ-കൃഷിയും ചിന്തകളും എന്ന പുസ്തകത്തിൻ്റെ പ്രകാശനം പട്ടികജാതി പട്ടികവർഗ വികസന മന്ത്രി ഒ.ആർ കേളു നിർവഹിച്ചു. വളർന്നു വരുന്ന ജനതയ്ക്കുള്ള സന്ദേശമാണ് ചെറുവയൽ രാമൻ്റെ ജീവിതവും, കൃഷിയും. അന്യം വന്നു പോകുന്ന കാർഷിക സംസ്കാരം, പുതിയ തലമുറകളിലേയ്ക്കു പകർന്നു നൽകുക എന്നതാണ് ഈ പുസ്തകത്തിൻ്റെ പ്രസക്തി എന്ന് അദ്ദേഹം അഭിപ്രായപ്പെട്ടു.
ചെറുവയലിലെ രാമൻ്റെ വീട്ടിൽ നടന്ന ചടങ്ങിൽ ഏച്ചോം ഗോപി ആദ്യ പ്രതി ഏറ്റുവാങ്ങി. ചെറുവയൽ രാമൻ അധ്യക്ഷത വഹിച്ചു. ശിവവരാമൻ പാട്ടത്തിൽ, എൻ ആർ കെ പുൽപള്ളി എന്നിവർ ആശംസ അർപ്പിച്ചു. എം.പി.പരമേശ്വരൻ നന്ദി രേഖപ്പെടുത്തി.കോഴിക്കോട് ജിനിയസ് ബുക്സ്, പ്രസീദ്ധീകരിക്കുന്ന ഈ കൃതിയ്ക്ക് അവതാരിക എഴുതിയത് ഏച്ചോം ഗോപിയും, ചിത്രങ്ങൾ വരച്ചത് പാപ്പച്ചൻ വാഴവറ്റയുമാണ്.