കൽപ്പറ്റ: വെങ്ങപ്പള്ളി എസ്.യു പബ്ലിക് സ്കൂളിനു സമീപം സ്കൂട്ടറും പിക് അപ്പും കുട്ടിയിടിച്ച് പടിഞ്ഞാറത്തറ പതുങ്ങൻ വീട്ടിൽ മുഹമ്മദ് ഹസൻ തമീം ദാരിമി (27) മരിച്ചു. ഇന്ന് വൈകുന്നേരം 4.45 ന് ആണ് അപകടം. കൽപ്പറ്റയിൽ നിന്നു പടിഞ്ഞാറത്തറ ഭാഗത്തേക്ക് വരികയായിരുന്ന തമീം സഞ്ചരിച്ച സ്കൂട്ടറും എതിരെ വന്ന പിക്കപ്പ് ജീപ്പും കൂട്ടിയിടിച്ചായിരുന്നു അപകടം. തലയ്ക്ക് ഗുരുതര പരുക്കേറ്റ തമീമിനെ കൽപ്പറ്റ ഫാത്തിമ ആശുപത്രിയിലെത്തിച്ചെങ്കിലും മരണപ്പെടുകയായിരുന്നു. മുട്ടിൽ ഡബ്ല്യു എം ഒ സ്കൂൾ അധ്യാപകനാണ്. ഉസ്മാൻ മുസ്‌ല്യാരുടെയും നസീമയുടെയും മകനാണ്. ഭാര്യ: താഹിറ. സഹോദരങ്ങൾ ഷമ്മാസ്, ഫിദ, നഫ് ല.
