കല്‍പ്പറ്റ: മടക്കിമല സര്‍വീസ് സഹകരണ ബാങ്ക് എ ക്ലാസ് അംഗങ്ങളുടെ മക്കളില്‍ 2023-24ല്‍ എസ്എസ്എല്‍സി പരീക്ഷയില്‍ ഉന്നത വിജയം നേടിയവര്‍ക്ക് സ്ഥാപക പ്രസിഡന്റ് എം.എ. ധര്‍മരാജയ്യരുടെ പേരില്‍ ഏര്‍പ്പെടുത്തിയ എന്‍ഡോവ്‌മെന്റുകള്‍ വിതരണം ചെയ്തു. ബാങ്കിന്റെ വാര്‍ഷിക പൊതുയോഗത്തില്‍ പ്രസിഡന്റ് എം.ഡി. വെങ്കിട്ടസുബ്രഹ്മണ്യനും ഭരണസമിതി അംഗങ്ങളും വിതരണം നിര്‍വഹിച്ചു. എന്‍ഡോവ്‌മെന്റ് കമ്മിറ്റി പ്രസിഡന്റ് പി.എല്‍. ജോസ് അധ്യക്ഷത വഹിച്ചു. വൈസ് പ്രസിഡന്റ് സജീവന്‍ മടക്കിമല സ്വാഗതവും മുഹമ്മദ് വടകര നന്ദിയും പറഞ്ഞു.
