കൽപ്പറ്റ:എം.ഡി.എം.എ യുമായി ഒമ്പത് യുവാക്കള്‍ പിടിയിൽ. ലക്കിടിയിലെ സ്വകാര്യ ഹോംസ്റ്റേയില്‍ നിന്നും എംഡിഎംഎയുമായി വയനാട്,കോഴിക്കോട്, കണ്ണൂര്‍ ജില്ലകളില്‍ നിന്നുള്ള ഒമ്പത് യുവാക്കളെ വൈത്തിരി പോലീസ് അറസ്റ്റ് ചെയ്തു. കല്‍പ്പറ്റ വട്ടക്കാരി വീട്ടില്‍ മിന്‍ഹാജ് (30) ,കൂളിവയല്‍ കരിമ്പനക്കല്‍ വീട്ടില്‍ മുഹമ്മദ് റാഷിദ് (23) , കൊടുവള്ളി വാവാട് കതിരോട്ടില്‍ വീട്ടില്‍ റമീസ് (23) , താമരശ്ശേരി അമ്പായത്തോട് പുല്ലുമല വീട്ടില്‍ മിര്‍ഷാദ് (28) , താമരശ്ശേരി പരപ്പന്‍പൊയില്‍ മേത്തല്‍തൊടുകയില്‍ വീട്ടില്‍ ഇക്ബാല്‍ (24), കൊടുവള്ളി അവിലോര അരീക്കര വീട്ടില്‍ സുബൈര്‍ (39) താമരശ്ശേരി കോരങ്ങാട് വീട്ടില്‍ മുഹമ്മദ് ഹിഷാം (23), തലശ്ശേരി സൈദാര്‍പള്ളി എ പി വീട്ടില്‍ അഫീല്‍ ഇബ്രാഹിം (34) ,തലശ്ശേരി ചൊക്ലി മാസ് വീട്ടില്‍ ഷെസില്‍ (31) എന്നിവരെയാണ് അറസ്റ്റ് ചെയ്തത്. ഇവരില്‍ നിന്നും 10.20 ഗ്രാം എംഡിഎംഎ കണ്ടെടുത്തിട്ടുണ്ട്. വൈത്തിരി പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് ഇവരെ കസ്റ്റഡിയിലെടുത്തത്.
