ബത്തേരി: ഗുണ്ടാ പ്രവര്ത്തനങ്ങള് അമര്ച്ച ചെയ്യുന്നതിന്റെ ഭാഗമായി യുവാവിനെ കാപ്പ ചുമത്തി ജയിലിൽ അടച്ചു. ബത്തേരി കുപ്പാടി സ്വദേശി തയ്യിൽ വീട്ടിൽ സുബൈർ എന്ന സുബീർ (26) നെയാണ് ജയിലിൽ അടച്ചത്. വയനാട് ജില്ലാ പൊലീസ് മേധാവി പദം സിങ് സമര്പ്പിച്ച റിപ്പോര്ട്ടിന്റെ അടിസ്ഥാനത്തില് വയനാട് ജില്ലാ കലക്ടർ ആണ് ഉത്തരവിറക്കിയത്. ജില്ലയിലെ വിവിധ പൊലീസ് സ്റ്റേഷനുകളിലും, എക്സൈസ് വകുപ്പിന് കീഴിലും ഇയാൾ വിവിധ കേസുകളിൽ പ്രതിയാണ്. ബത്തേരി എസ്.എച്ച്.ഒ എം.എ. സന്തോഷിന്റെ നേതൃത്വത്തിലുള്ള പൊലീസ് സംഘമാണ് ഇയാളെ അറസ്റ്റ് ചെയ്തത്.