കൽപ്പറ്റ: അന്താരാഷ്ട്ര ദുരന്ത നിവാരണ ദിനത്തിൽ, ഹ്യൂമേയ്ൻ സൊസൈറ്റി ഇന്റർനാഷണൽ/ഇന്ത്യ (എച്ച്എസ്ഐ/ഇന്ത്യ) വയനാട് ജില്ലാ ദുരന്ത നിവാരണ അതോറിറ്റിയുടെയും സ്കൂൾ ഡിസാസ്റ്റർ മാനേജ്മെന്റ് ക്ലബ്ബിന്റെയും സഹകരണത്തോടെ ഏച്ചോം സർവോദയ ഹയർ സെക്കൻഡറി സ്കൂളുമായി ചേർന്നുകൊണ്ട് സംവാദാത്മക ബോധവൽക്കരണ പരിപാടി സംഘടിപ്പിച്ചു. ‘ദുരന്തങ്ങളിൽ നിന്ന് മൃഗങ്ങളെ സംരക്ഷിക്കൽ സ്കൂളുകളിൽ നിന്ന് ആരംഭിക്കുന്നു’ എന്ന പരിപാടി, അപകടസാധ്യതകളിൽ നിന്ന് തങ്ങളുടെ മൃഗങ്ങളെ സംരക്ഷിക്കാൻ സ്വയം തയ്യാറെടുക്കേണ്ടതിന്റെ പ്രാധാന്യം കുട്ടികളെ പഠിപ്പിക്കുകയും അതുവഴി ചെറുപ്പം മുതലേ തയ്യാറെടുപ്പിന്റെയും അവബോധത്തിന്റെയും സഹാനുഭൂതിയുടെയും സംസ്കാരം അവരിൽ വളർത്തിയെടുക്കുകയും ചെയ്യുന്നു. പരിപാടിയിൽ, കുട്ടികൾ ദുരന്ത നിവാരണത്തെക്കുറിച്ചുള്ള സംവാദാത്മക റോൾപ്ലേയിൽ ഏർപ്പെട്ടു.