ചെന്നലോട്: സാമൂഹിക പ്രതിബദ്ധതയുടെ ഭാഗമായി തരിയോട് ഗവ ഹയര്‍ സെക്കന്‍ഡറി സ്‌കൂളിലെ നാഷണല്‍ സര്‍വീസ് സ്‌കീം വിദ്യാര്‍ത്ഥികള്‍ തരിയോട് സാമൂഹിക ആരോഗ്യ കേന്ദ്രം ശുചീകരിച്ചു. തരിയോട് ഗ്രാമപഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷന്‍ ഷമീം പാറക്കണ്ടി ഉദ്ഘാടനം ചെയ്തു. മെഡിക്കല്‍ ഓഫീസര്‍ ഡോക്ടര്‍ വിന്‍സന്റ് ജോര്‍ജ് അധ്യക്ഷത വഹിച്ചു. പിടിഎ പ്രസിഡണ്ട് എം ശിവാനന്ദന്‍, മെഡിക്കല്‍ സൂപ്പര്‍വൈസര്‍ വിന്‍സന്റ് സിറില്‍, ഹെഡ് നേഴ്‌സ് ബിന്ദു, എന്‍എസ്എസ് പ്രോഗ്രാം ഓഫീസര്‍ ബി അജിത്ത്, എന്‍എസ്എസ് ടീം ലീഡര്‍ മാരായ അര്‍ജുന്‍ ശിവാനന്ദ്, എസ് അളക തുടങ്ങിയവര്‍ സംസാരിച്ചു.
