കല്‍പ്പറ്റ: മീനങ്ങാടി, കോളേരി ഗവ.ഹയര്‍ സെക്കന്‍ഡറി സ്‌കൂളുകളിലെ എസ്പിസി സൂപ്പര്‍ സീനിയര്‍ കാഡറ്റുകളുടെ സംയുക്ത പാസിംഗ് ഔട്ട് പരേഡ് മീനങ്ങാടി ജിഎച്ച്എസ്എസ് ഗ്രൗണ്ടില്‍ നടത്തി. സുല്‍ത്താന്‍ ബത്തേരി ഡിവൈഎസ്പി കെ.കെ. അബ്ദുള്‍ ഷെരീഫ് സല്യൂട്ട് സ്വീകരിച്ചു. ഇതോടനുബന്ധിച്ചുചേര്‍ന്ന യോഗത്തില്‍ ഹയര്‍ സെക്കന്‍ഡറി ജില്ലാ കോ ഓര്‍ഡിനേറ്റര്‍ ഷിവി കൃഷ്ണന്‍ അധ്യക്ഷത വഹിച്ചു. എസ്പിസി ജില്ലാ അസിസ്റ്റന്റ് നോഡല്‍ ഓഫീസര്‍ കെ. മോഹന്‍ദാസ്, മീനങ്ങാടി സിഐ എം. സന്തോഷ്‌കുമാര്‍, കോളേരി ഗവ.ഹയര്‍ സെക്കന്‍ഡറി സ്‌കൂള്‍ പ്രധാനാധ്യാപിക കെ.ആര്‍ .നിഷ, മീനങ്ങാടി ഹയര്‍ സെക്കന്‍ഡറി സ്‌കൂള്‍ പ്രാധാനാധ്യാപകന്‍ പി.കെ. പ്രേമരാജന്‍, എസ്. ഹാജിസ്, റജീന ബക്കര്‍, കെ.വി. അഗസ്റ്റിന്‍, പി.ഒ. സുമിത, പി.എസ്. ബിനു, ടി.എം. നിത്യ, എം.കെ. അനുമോള്‍, കെ.പി. ഷിജു, സി. സിജു, സി.എം. സിനി എന്നിവര്‍ പ്രസംഗിച്ചു.
