കൽപ്പറ്റ: എൻഎസ്എസ് ഹയർസെക്കൻഡറി സ്കൂളിലെ നാഷണൽ സർവീസ് സ്കീം യൂണിറ്റിന്റെയും ബത്തേരി ഗവൺമെൻ്റ് ഹോസ്പിറ്റലിന്റെയും നേതൃത്വത്തിൽ രക്തദാന ക്യാമ്പ് നടത്തി. കൽപ്പറ്റയിലെ സന്നദ്ധ സംഘടനകളും സ്കൂളിലെ പൂർവ്വ വിദ്യാർത്ഥികൾ അടക്കം അമ്പതോളം പേർ വിവിധ ഗ്രൂപ്പുകളിൽ പെട്ട രക്തം ദാനം ചെയ്തു. 61 യൂണിറ്റ് രക്തമാണ് ശേഖരിച്ചത്. ഗവൺമെൻ്റ് ഹോസ്പിറ്റലിലെ ഡോക്ടർ മോഹൻരാജ് എം ക്യാമ്പ് ഉദ്ഘാടനം ചെയ്തു. സ്കൂൾ പ്രിൻസിപ്പൽ എ കെ ബാബു പ്രസന്നകുമാർ അധ്യക്ഷത വഹിച്ചു. മുണ്ടേരി കാരുണ്യ സ്വാശ്രയ സംഘം പ്രസിഡൻ്റ് ഷിബു ടി ജെ, ബ്ലഡ് ബാങ്ക് ടെക്നിക്കൽ സൂപ്പർവൈസർ ഫവാദ് കെ, എൻഎസ്എസ് പ്രോഗ്രാം ഓഫീസർ സിന്ധു പി വി, എൻ എസ് എസ് ലീഡർമാരായ ആൽവിയാ ബാബു, വൈശാഖ് ജൈന്‍ എന്നിവർ സംസാരിച്ചു.
