കൽപ്പറ്റ: മർകസ് ആർട്സ് ആൻഡ് സയൻസ് കോളേജ് ബി. എ ഇംഗ്ലീഷ് ഡിപ്പാർട്മെന്റ് ഏകദിന വയനാട് പഠനയാത്ര സംഘടിപ്പിച്ചു. നല്ലൂർനാട് ജി. യു. പി സ്കൂളിൽ നടന്ന സ്വീകരണ യോഗവും സ്കൂളിലെ വിദ്യാർത്ഥികൾക്ക് സൗജന്യമായി നൽകുന്ന സ്പോർട്സ് കിറ്റ് വിതരണോദ്ഘാടനവും വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി നിർവഹിച്ചു. സ്കൂൾ പി. ടി. എ പ്രസിഡന്റ്‌ അബ്ദുൽ ഹഫീൽ, യാസീൻ റാഫാത്ത്‌, പ്രിയത പി, മുഹമ്മദ്‌ റിജാസ് കെ. പി,ഷാന്റി പി. പി തുടങ്ങിയവർ പ്രസംഗിച്ചു.
