അമേരിക്കയിൽ മിന്നും പ്രകടനം തുടര്‍ന്ന് ലയണല്‍ മെസ്സി. ഇന്റര്‍കോണ്‍ടിനന്റല്‍ ലീഗ്‌സ് കപ്പില്‍ അറ്റ്‌ലാന്റയ്‌ക്കെതിരെ മെസി ഇരട്ട ഗോള്‍ നേടി. മത്സരത്തില്‍ ഇന്റര്‍ മയാമി 4-0ന് അറ്റ്ലാന്റയെ തകര്‍ത്തു. മെസി ഇരട്ട ഗോളും റോബര്‍ട്ട് ടെയ്ലര്‍ ഒരു ഗോളും നേടിയതോടെ, ഇന്റര്‍ മയാമി ആദ്യപകുതിയില്‍ തന്നെ 3-0ന് മുന്നിലെത്തി.
ഇന്റര്‍ മയാമിയില്‍ എത്തിയ ശേഷം തുടര്‍ച്ചയായ രണ്ടാം മത്സരത്തിലാണ് മെസിയുടെ ഗോള്‍നേട്ടം. ജയത്തോടെ ഇന്റര്‍ മയാമി നോക്കൗട്ട് റൗണ്ടിലെത്തി. അരങ്ങേറ്റ മത്സരത്തില്‍ ക്രൂസ് അസൂലിനെതിരെ മെസി 94-ാം മിനുറ്റില്‍ ഗോള്‍ നേടിയിരുന്നു. ഇതോടെ മയാമിയിലെത്തിയ ശേഷം രണ്ട് കളിയില്‍ ഗോളായി അര്‍ജന്റൈന്‍ ഇതിഹാസത്തിന്റെ ഗോള്‍ നേട്ടം മൂന്നായി.