കൽപ്പറ്റ: പെരുന്തട്ട ജനവാസ മേഖലയിൽ കഴിഞ്ഞദിവസം കാട്ടാന ഇറങ്ങി ഭീതിപരത്തി. കോഫി ബോർഡിൻറെ കാപ്പിത്തോട്ടത്തിൽ വൻനാശനഷ്ടം വരുത്തി. ഓടത്തോട് ജനവാസമേഖലയിലൂടെ നടന്നാണ് കാട്ടാന കൽപ്പറ്റ ടൗണിനടുത്ത് എത്തിയത്. രണ്ടാഴ്ചയ്ക്കിടെ മൂന്നാം തവണയാണ് ഈ പ്രദേശത്തെ കാട്ടാന ഇറങ്ങിയത്. പ്രദേശവാസികളുടെ വാഴ അടക്കമുള്ള കൃഷികളും ആന നശിപ്പിച്ചു. അടുത്തെങ്ങും ആനയ്ക്ക് തമ്പ് അടിക്കാൻ പോലും വനഭൂമിയില്ലാത്ത പ്രദേശമാണിത്. ചെമ്പ്ര വനമേഖലയിലാണ് കാട്ടാനകൾ പ്രദേശത്ത് എത്തുന്നത്. പകൽ സമയത്ത് പോലും ആന പ്രദേശത്ത് എത്തിയതോടെ കടുത്ത ഭീതിയിലാണ് നാട്ടുകാർ.
