ബൈക്കിടിച്ച് റോഡിൽ തലയടിച്ചു വീണ ആൾക്ക് ദാരുണാന്ത്യം

ബത്തേരി

അമ്പലവയൽ സെൻ്റ് മാർട്ടിൻ ഹോസ്പിറ്റലിനു സമീപം സ്കൂട്ടറും ബൈക്കും കൂട്ടിയിടിച്ച് റോഡിൽ തലയടിച്ചു വീണ വയോധികന് ദാരുണാന്ത്യം.

അമ്പലവയൽ ദേവികുന്ന് ചെട്ടിയാൻതുടി മുഹമ്മദ് (71) ആണ് മരിച്ചത്.

ഇന്നലെ രാത്രിയായിരുന്നു അപകടം. അമ്പലവയലിൽ നിന്നും വീട്ടിലേക്ക് പോകുന്നതിനിടെ മുഹമ്മദിനെ ബത്തേരി ഭാഗത്ത് നിന്നും വരികയായിരുന്നു ബൈക്ക് ഇടിച്ചു എന്നാണ് മുഹമ്മദ് ബന്ധുക്കൾ പറയുന്നത്. തുടർന്ന് റോഡിൽ തെറിച്ചുവീണ് തലയ്ക്ക് സാരമായ പരിക്കേറ്റ മുഹമ്മദിനെ മേപ്പാടി മിംസ് ഹോസ്പിറ്റലിൽ എത്തിച്ചെങ്കിലും മരണപ്പെടുകയായിരുന്നു.