നിയമനം
കണിയാമ്പറ്റ ഗ്രാമ പഞ്ചായത്ത് എൽ.ഐ.ഡി ആന്റ് ഇ.ഡബ്ല്യു സെക്ഷനിലേക്ക് അസിസ്റ്റന്റ് എഞ്ചിനീയറെയും മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിലേക്ക് അക്കൗണ്ടന്റ് കം ഐ.ടി അസിസ്റ്റന്റിനെയും ദിവസവേതനാടിസ്ഥാനത്തിൽ നിയമിക്കുന്നു. നിശ്ചിത യോഗ്യതയുള്ള ഉദ്യോഗാർത്ഥികൾ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകളുമായി ആഗസ്റ്റ് 19 ന് രാവിലെ 10 ന് കണിയാമ്പറ്റ ഗ്രാമപഞ്ചായത്ത് ഓഫീസിൽ എത്തിച്ചേരണം. ഫോൺ: 04936 286693.
ടെണ്ടർ ക്ഷണിച്ചു
ജില്ലാ വനിതാ ശിശു വികസന ഓഫീസിന് കീഴിൽ കണിയാമ്പറ്റയിൽ പ്രവർത്തിക്കുന്ന എൻട്രി ഹോം ഫോർ ഗേൾസ് ഹോമിന് ഒരു വർഷത്തേക്ക് വാഹനം വാടകക്ക് നൽകുന്നതിന് ടെണ്ടർ ക്ഷണിച്ചു. ടെണ്ടർ ആഗസ്റ്റ് 25 ന് ഉച്ചയ്ക്ക് 12.30 നകം ലഭിക്കണം. ഫോൺ: 04936 296362.
സ്പോട്ട് അഡ്മിഷൻ
ഐ.എച്ച്.ആർ.ഡിയുടെ മോഡൽ പോളിടെക്നിക് കോളേജുകളിലും, പൂഞ്ഞാർ എഞ്ചിനീയറിംഗ് കോളേജിലും മൂന്ന് വർഷ എഞ്ചിനീയറിംഗ് ഡിപ്ലോമ, രണ്ട് വർഷ ലാറ്ററൽ എൻട്രി എഞ്ചിനീയറിംഗ് ഡിപ്ലോമ കോഴ്സുകളിലേക്ക് സ്പോട്ട് അഡ്മിഷൻ എടുക്കാൻ താത്പ്പര്യമുള്ളവർ അതാത് കോളേജുകളിൽ നേരിട്ടെത്തി അഡ്മിഷൻ നേടണം.
സീറ്റൊഴിവ്
മാനന്തവാടി മേരി മാതാ കോളേജില്‍ ഇംഗ്ലീഷ്, സോഷ്യല്‍ സയന്‍സ്, എക്കണോമിക്‌സ്, ഫിസിക്‌സ്, മാത്സ്, ബികോം, കമ്പ്യൂട്ടര്‍ സയന്‍സ് എന്നീ വിഷയങ്ങളില്‍ എസ്.എസി, എസ്.ടി വിഭാഗങ്ങളില്‍ ഏതാനും സീറ്റുകളും സുവോളജി വിഷയത്തില്‍ എസ്.ടി വിഭാഗത്തില്‍ ഒരു സീറ്റും ഒഴിവുണ്ട്. താത്പര്യമുള്ളവര്‍ കോളേജില്‍ നേരിട്ട് അപേക്ഷ നല്‍കണം. ഫോണ്‍: 8606020642.