ബത്തേരി:ബത്തേരി എക്സൈസ് റേഞ്ച് ഉദ്യോഗസ്ഥര്‍ ഓണം സ്‌പെഷ്യല്‍ ഡ്രൈവിന്റെ ഭാഗമായി നടത്തിയ റെയ്ഡില്‍ നൂല്‍പ്പുഴ പുത്തൂര്‍ കോളനി ഭാഗത്ത് കാട്ടിനുള്ളില്‍ സൂക്ഷിച്ചിരുന്ന 260 ലിറ്റര്‍ വാഷ് കണ്ടെടുത്ത് ഇന്ന് നശിപ്പിച്ചു. പ്രതിയെക്കുറിച്ച് അന്വേഷണം നടത്തി വരുന്നതായി എക്സൈസ് വ്യക്തമാക്കി. റെയിഡില്‍ അസിസ്റ്റന്റ് എക്സൈസ് ഇന്‍സ്പെക്ടര്‍ ബാബുരാജ് കെ.ബി, പ്രിവന്റീവ് ഓഫീസര്‍ വിജയകുമാര്‍ കെ.വി, സിവില്‍ എക്സൈസ് ഓഫീസര്‍മാരായ ചാള്‍സ്‌കുട്ടി, ദിനീഷ് എം.എസ്, വിഷ്ണു കെ.കെ, വനിതാ സിവില്‍ എക്സൈസ് ഓഫീസര്‍ സുദിവ്യ ഭായ്, തൊട്ടാമൂല ഫോറസ്റ്റ് സെക്ഷന്‍ വാച്ചര്‍ സോമന്‍ എന്നിവര്‍ പങ്കെടുത്തു.
