ക്വട്ടേഷന് ക്ഷണിച്ചു
കല്പ്പറ്റ എന്.എം.എസ്.എം ഗവ.കോളേജില് കെമിസ്ട്രി ലാബ് കെമിക്കല്സ് വിതരണം ചെയ്യുന്നതിനും സ്ഥാപിക്കുന്നതിനും ക്വട്ടേഷന് ക്ഷണിച്ചു. ഒക്ടോബര് 27 ന് രാവിലെ 11 നകം ക്വട്ടേഷന് ലഭിക്കണം. വിവരങ്ങള്: www.nmsmcollege.ac.in ഫോണ്: 04936204569 .
ലേലം
സുല്ത്താന് ബത്തേരി-പുല്പ്പള്ളി റോഡില് കെ.എസ്.ആര്.ടി.സി ഗ്യാരേജിന് സമീപം പൂമരത്തിന്റെ ശിഖിരങ്ങള്, സുല്ത്താന് ബത്തേരി-കുപ്പാടി റോഡില് സെന്റ്മേരീസ് കോളേജിന് മുന്വശം മുറിച്ചിട്ടിരിക്കുന്ന പൊന്തന്വാക മരത്തിന്റെ ശിഖിരങ്ങള് എന്നിവ ഒക്ടോബര് 18 ന് രാവിലെ 11 ന് ലേലം ചെയ്യും. ഫോണ്: 04936 224370.
റാങ്ക് ലിസ്റ്റ് റദ്ദാക്കി
വയനാട് ജില്ല കേരള ഹയര് സെക്കണ്ടറി വിദ്യാഭ്യാസ വകുപ്പില് ലബോറട്ടറി അസിസ്റ്റന്റ് കാറ്റഗറി നമ്പര്: 419/2017 തസ്തികയുടെ തെരഞ്ഞെടുപ്പിനായി 2020 സെപ്തംബര് 7 ന് നിലവില് വന്ന 256/2020/ഡിഒഡബ്ല്യു നമ്പര് റാങ്ക് പട്ടിക 2023 സെപ്തംബര് 7 ന് അര്ദ്ധരാത്രിയോടെ മൂന്ന് വര്ഷ കാലാവധി പൂര്ത്തിയായതിനാല് സെപ്തംബര് 8 ന് റദ്ദാക്കിയതായി ജില്ലാ പി.എസ്.സി ഓഫീസര് അറിയിച്ചു.
അധ്യാപക നിയമനം
തരുവണ ഗവ. ഹയര്സെക്കന്ഡറി സ്കൂളില് ഒഴിവുള്ള എച്ച്.എസ്.ടി ജൂനിയര് ഇക്കോണിമിക്സ് തസ്തികയില് താല്ക്കാലിക നിയമനത്തിനുള്ള കൂടിക്കാഴ്ച സെപ്തംബര് 18 ന് രാവിലെ 11 ന് സ്കൂള് ഓഫീസില് നടക്കും. ഉദ്യോഗാര്ത്ഥികള് അസ്സല് രേഖകളുമായി കൂടിക്കാഴ്ചയ്ക്ക് ഹാജരാകണം. ഫോണ്: 04935 230 518
എം.എല്.എ ഫണ്ടനുവദിച്ചു
ഐ.സി.ബാലകൃഷ്ണന് എം.എല്.എയുടെ പ്രത്യേകവികസന നിധിയില് ഉള്പ്പെടുത്തി അമ്പലവയല് പഞ്ചായത്തിലെ തോമാട്ടുചാല് ബസ് കാത്തിരിപ്പ് കേന്ദ്രത്തിന് അഞ്ച് ലക്ഷം രൂപ അുവദിച്ച് ഭരണാനുമതിയായി.
ലാബ് ടെക്നീഷ്യന് നിയമനം
പൂതാടി കുടുംബാരോഗ്യ കേന്ദ്രത്തില് ലാബ് ടെക്നീഷ്യന് തസ്തികയില് താല്കാലിക നിയമനം നടത്തുന്നു. യോഗ്യത ബി.എസ്.സി എം എല്.റ്റി, ഡി.എം.എല്.റ്റി സര്ട്ടിഫിക്കറ്റ് യോഗ്യതയുള്ളവര്ക്ക് അപേക്ഷിക്കാം. പാരാമെഡിക്കല് രജിസ്ട്രേഷന് നിര്ബന്ധം. പൂതാടി ഗ്രാമപഞ്ചായത്തില് താമസിക്കുന്നവര്ക്ക് മുന്ഗണന നല്കും. ഉദ്യോഗാര്ത്ഥികള് ഒക്ടോബര് 20 ന് രാവിലെ 10.30 ന് യോഗ്യത തെളിയിക്കുന്ന സര്ട്ടിഫിക്കറ്റുകളുമായി കുടുംബാരോഗ്യ കേന്ദ്രത്തില് കൂടിക്കാഴ്ചയ്ക്ക് ഹാജരാകണം.
സ്വയം തൊഴില് വായ്പ
കേരള സംസ്ഥാന പട്ടികജാതി പട്ടികവര്ഗ വികസന കോര്പറേഷന് കുറഞ്ഞ പലിശ നിരക്കില് നടപ്പിലാക്കുന്ന വിവിധ സ്വയം തൊഴില് വായ്പ പദ്ധതികളിലേക്ക് അപേക്ഷ ക്ഷണിച്ചു. അപേക്ഷകര് 18നും-55നും ഇടയില് പ്രായമുള്ള പട്ടികജാതി പട്ടികവര്ഗ്ഗ വിഭാഗത്തില് നിന്നുള്ളവരായിരിക്കണം. തിരഞ്ഞെടുക്കപ്പെടുന്ന അപേക്ഷകര് വായ്പയ്ക്ക് ആവശ്യമായ വസ്തുജാമ്യം അല്ലെങ്കില് ഉദ്യോഗസ്ഥ ജാമ്യം ഹാജരാക്കണം. ഒക്ടോബര് 31 വരെ അപേക്ഷ സ്വീകരിക്കും. അപേക്ഷ ഫോറം കോര്പ്പറേഷന്റെ കല്പ്പറ്റ പിണങ്ങോട് റോഡ് ജംഗ്ഷനില് പ്രവര്ത്തിക്കുന്ന വയനാട് ജില്ലാ ഓഫീസില് നിന്നും ലഭിക്കും. ഫോണ് :04936202869,9400068512
ബാര്ബര് ഷോപ്പ് നവീകരണം അപേക്ഷ ക്ഷണിച്ചു
മീനങ്ങാടി ഗ്രാമപഞ്ചായത്തില് പരമ്പരാഗതമായി ബാര്ബര് തൊഴില് ചെയ്തുവരുന്ന ഒ.ബി.സി വിഭാഗത്തിലുള്ളവര്ക്ക് തൊഴില് നവീകരണത്തിന് ധനസഹായം നല്കുന്നു.. ഒക്ടോബര് 31 നകം പഞ്ചായത്തില് നേരിട്ട് അപേക്ഷ സമര്പ്പിക്കണം. അപേക്ഷാഫോറം മീനങ്ങാടി ഗ്രാമ പഞ്ചായത്ത് ഫ്രണ്ട് ഓഫീസില് നിന്നും ലഭിക്കും.
കേരളോത്സവം എന്ട്രികള് നല്കണം
കല്പ്പറ്റ നഗരസഭ കേരളോത്സവം വിവിധ വേദികളിലായി ഒക്ടോബര് 22 മുതല് 29 വരെ നടക്കും. എന്ട്രികള് ഒക്ടോബര് 19 വൈകിട്ട് 5 നകം നല്കണമെന്ന് കല്പ്പറ്റ നഗരസഭ സെക്രട്ടറി അറിയിച്ചു.