മേപ്പാടി: മുണ്ടക്കൈ, ചൂരൽമല പ്രദേശങ്ങളിലെ ജനങ്ങളുടെ മുഴുവൻ വായ്പകളും പൂർണ്ണമായി സർക്കാർ എഴുതിത്തള്ളണമെന്ന് അഡ്വ. ടി.സിദ്ദിഖ് എം.എൽ.എ. ലോണുകളുടെ ഉത്തരവാദിത്വം പൂർണ്ണമായും ബാങ്കുകളുടെ തലയിൽ വെച്ച് സർക്കാർ കൈകഴുകുന്ന സമീപനം ശരിയല്ല. ജീവൻ മാത്രം തിരികെ കിട്ടിയ മനുഷ്യരെ വേട്ടയാടാൻ ധനകാര്യ സ്ഥാപനങ്ങളെ അനുവദിക്കില്ലെന്നും ടി. സിദ്ദിഖ് മേപ്പാടി യിൽ മാധ്യമങ്ങളോട് പറഞ്ഞു.
