മീനങ്ങാടി: വയനാട് എക്സൈസ് ഇന്റലിജൻസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ, എക്സൈസ് ഇൻറലിജൻസും സുൽത്താൻ ബത്തേരി റേഞ്ച് പാർട്ടിയും സംയുക്തമായി മീനങ്ങാടി ചെണ്ടക്കുനി ഗവ: പോളിടെക്നിക്ക് കോളേജിന് സമീപത്ത് നടത്തിയ പരിശോധനയിൽ 28. 42 ഗ്രാം എം.ഡ. എം. എയുമായി ഒരാൾ പിടിയിൽ. മുട്ടിൽ കൊറ്റൻ കുളങ്ങര വീട്ടിൽ വിനീഷ് (28) ആണ് അറസ്റ്റിലായത്. ബാംഗ്ലൂരിൽ നിന്നും എം.ഡി.എം.എ വാങ്ങി , വയനാട്ടിൽ എത്തിച്ച് വിദ്യാർഥികൾ അടക്കമുള്ളവർക്ക് ചില്ലറ വിൽപന നടത്തി വരികയായിരുന്നു. എക്സൈസ് ഇന്റലിജൻസ് ഇൻസ്പെക്ടർ എം.കെ സുനിൽ ബത്തേരി റേഞ്ച് ഇൻസ്പെക്ടർ കെ.ബി ബാബുരാജ് , പ്രിവൻറീവ് ഓഫീസർമാരായ ജി. അനിൽകുമാർ , സി.വി ഹരിദാസ് , സിവിൽ എക്സൈസ് ഓഫീസർമാരായ എ. എസ് അനീഷ് , നിക്കോളാസ് ജോസ് , ദിനീഷ്. എം. എസ് ഡ്രൈവർ പ്രസാദ് എന്നിവരാണ് പരിശോധനാ സംഘത്തിൽ ഉണ്ടായിരുന്നത്.
