മാനന്തവാടി: ബാവലി ചെക്‌പോസ്റ്റില്‍ എക്‌സൈസ് ഉദ്യോഗസ്ഥര്‍ നടത്തിയ വാഹനപരിശോധനയില്‍ എംഡിഎംഎയയും കഞ്ചാവുമായി രണ്ടുപേര്‍ പിടിയിലായി. മാനന്തവാടി എടവക പള്ളിക്കല്‍ കല്ലായി വീട്ടില്‍ മുഹമ്മദ് സാജിദ്, എടവക പാലമുക്ക് മണ്ണാര്‍ വീട്ടില്‍ മാലിക്ക് എന്നിവരെയാണ് എക്‌സൈസ് ഇന്‍സ്‌പെക്ടര്‍ ജിജില്‍കുമാര്‍, പ്രവന്റീവ് ഓഫീസര്‍ വി.ആര്‍. ബാബുരാജ്, സിവില്‍ എക്‌സൈസ് ഓഫീസര്‍മാരായ സജി മാത്യു, ഷിനോജ്, നിക്കോളാസ് എന്നിവരടങ്ങുന്ന സംഘം കഴിഞ്ഞ ദിവസം അറസ്റ്റുചെയ്തത്. 0.57 ഗ്രാം എംഡിഎംഎയും 240 ഗ്രാം കഞ്ചാവുമാണ് ഇവരില്‍നിന്നു പിടിച്ചെടുത്തത്. പ്രതികള്‍ സഞ്ചരിച്ച കാര്‍ കസ്റ്റഡിയിലെടുത്തു.
