വാളൽ: ദുബൈ അലി അൽ ഹുമൈദി ട്രേഡിങ്-എറണാകുളം ജില്ലാ മഹല്ല് കൂട്ടായ്മ-ചെന്ദലോട് സെന്റർ മുവാസാത്ത് തുടങ്ങിയവരുടെ സഹകരണത്തോടെ നാസർ മാനു ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ മുണ്ടക്കൈ ദുരന്തബാധിതരിൽപ്പെട്ട ഇരുപതു കുടുംബങ്ങൾക്ക് വേണ്ടിയുള്ള വീട് നിർമ്മാണ പ്രവർത്തിയുടെ കുറ്റിയടിക്കൽ കർമ്മം നടന്നു. കോട്ടത്തറ വില്ലേജിലെ വാളൽ പ്രദേശത്തെ ഒരേക്കറിൽ അധികം വരുന്ന സ്ഥലത്താണ് വീടുകൾ നിർമ്മിക്കുന്നത്. നാസർ മനു അധ്യക്ഷത വഹിച്ചു. വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി, കോട്ടത്തറ ഗ്രാമപ്പഞ്ചായത്ത് പ്രസിഡന്റ് പി.പി. റനീഷ്, വാർഡ് മെമ്പർ വി.ജെ. ആന്റണി,ഷരീഫ് പുത്തൻപുര, ഹാരിസ് കണ്ടിയാൻ, തുടങ്ങിയവർ പങ്കെടുത്തു.
