അമ്പലവയൽ: അമ്പലവയൽ ഗവൺമെൻ്റ് വൊക്കേഷണൽ ഹയർ സെക്കൻഡറി സ്കൂളിൽ വച്ച് നടന്ന ജില്ലാ ഫുട്ബോൾ ചാമ്പ്യൻഷിപ്പിൽ ജൂനിയർ, സബ്ജൂനിയർ ഗേൾസ് വിഭാഗത്തിൽ സുൽത്താൻ ബത്തേരി ഉപജില്ല ചാമ്പ്യൻമാരായി. ടീമിലെ 17 താരങ്ങളും പനങ്കണ്ടി സ്കൂളിൽ നിന്നാണെന്നതാണ് പ്രത്യേകത. ഫൈനലിൽ എതിരില്ലാത്ത രണ്ടു ഗോളുകൾക്ക് വൈത്തിരി ഉപജില്ലയെ പരാജയപ്പെടുത്തിയാണ് ഒന്നാമതായത്. സ്കൂളിലെ കായികാധ്യാപകനായ മുഹമ്മദ് അർഷഖിന്റെ നേതൃത്വത്തിൽ പനങ്കണ്ടി ജി എച്ച് എസ് എസ് ൽ വച്ചാണ് ബത്തേരി ഉപജില്ലയിലെ വി ദ്യാർത്ഥികൾക്ക് പരിശീലനം നൽകിയത്. വിജയികളെ പി ടി എ യും നാട്ടുകാരും അനുമോദിച്ചു.
