കൊച്ചി: മദ്യലഹരിയിൽ ഓടിച്ച കാർ സ്കൂട്ടറിലിടിച്ച് രണ്ടുപേർ മരിച്ചു. സ്കൂട്ടർ യാത്രികരായ ഇളംകുളം സ്വദേശി ഡെന്നി റാഫേൽ (46), മകൻ ഡെന്നിസൺ ഡെന്നിയും (11) ആണ് മരിച്ചത്. ബുധനാഴ്ച രാത്രി 11.30-ഓടെ എറണാകുളം വൈറ്റില പൊന്നുരുന്നി റെയിൽവേ മേൽപാലത്തിലാണ് അപകടം. മദ്യലഹരിയിൽ അമിത വേഗതയിൽ ഓടിച്ച സ്കോർപ്പിയോ ഇരുവരും സഞ്ചരിച്ച സ്കൂട്ടറിന്റെ പിന്നിൽ ഇടിക്കുകയായിരുന്നു. ഡ്രൈവർ സുജിത്തിനെ പൊലീസ് അറസ്റ്റ്’ ചെയ്തു. ഇയാൾക്കെതിരെ മനഃപൂർവമല്ലാത്ത നരഹത്യക്ക്’ കേസെടുത്തു. അപകടത്തിൽ സ്കൂട്ടർ പൂർണമായും തകർന്നു.
