വെള്ളമുണ്ട: ഗവ. മോഡൽ ഹയർ സെക്കൻഡറി സ്കൂളിനെ പ്രതിനിധീകരിച്ച് ലിറ്റിൽ കൈറ്റ്സ് വയനാട് ജില്ലാ ക്യാമ്പിൽ പങ്കെടുത്ത അഭിനവ് പി, മുഹമ്മദ് ഷാമിൽ എം എന്നിവരെ അനുമോദിച്ചു. വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. വിദ്യാർത്ഥികൾക്ക് സർട്ടിഫിക്കറ്റുകളും മൊമെന്റോയും ചടങ്ങിൽ വിതരണം ചെയ്തു. പ്രിൻസിപ്പൽ പി. സി തോമസ് അധ്യക്ഷത വഹിച്ചു. ശ്രീഹരി കാടേങ്ങര, എ. മധു, ഷീജ നാപ്പള്ളി, അബ്ദുൽ സലാം, വി.കെ. പ്രസാദ്, കെ.നാസർ, നിധിൻ തുടങ്ങിയവർ സംസാരിച്ചു.
