ബത്തേരി ചുള്ളിയോട് റോഡിൽ ഓടി കൊണ്ടിരുന്ന ഓമനി വാൻ കത്തി നശിച്ചു. കോളിയാടി സ്വദേശി മനുവിന്റേതാണ് കത്തി നശിച്ച ഓമ്നി വാൻ. ഇന്ന് രാത്രി 7.30 യോടെയാണ് സംഭവം. കോളിയാടിയിലേക്ക് വരും വഴി ചെമ്പകച്ചുവട് എന്ന സ്ഥലത്ത് വെച്ചാണ് തീ പടർന്നത്. പുക ഉയരുന്നത് കണ്ട് വാഹനം നിറുത്തി മനു പുറത്തിറങ്ങിയതിനാൽ വൻ അപകടം ഒഴിവായി. പിന്നീട് ബത്തേരിയിൽ നിന്ന് ഫയർ ഫോഴ്സ് യൂണിറ്റ് എത്തിയാണ് തീ അണച്ചത്. ഓമ്നി വാൻ പൂർണമായും കത്തി നശിച്ചു.
