പനമരം: പനമരം ഗവൺമെന്റ് ഹയർ സെക്കണ്ടറി സ്കൂളിൽ നിന്നും കായിക പരിശീലനത്തിനിടെ അകാലത്തിൽ പൊലിഞ്ഞുപോയ മുഹമ്മദ് സിനാൻ. പി യുടെ നാമധേയത്തിൽ പനമരം ഗവൺമെന്റ് ഹയർ സെക്കണ്ടറി സ്കൂളിൻ്റെ നേതൃത്വത്തിൽ ആരംഭിക്കുന്ന സിനാൻ മെമ്മോറിയൽ ഫുട്ബോൾ അക്കാദമിയുടെ ലോഗോ പ്രകാശനം ചെയ്തു.
ലോഗോ പ്രകാശനം ഇന്ത്യൻ ക്രിക്കറ്റ് താരം സജന സജീവൻ നിർവഹിച്ചു. ചടങ്ങിൽ ഡെപ്യൂട്ടി എക്സൈസ് കമ്മീഷണർ രാകേഷ് എം, എജെ ഷാജി, ജസീൽ പി, സുബൈർ കെ ടി, മഹബൂബ് പി, രമേഷ് കുമാർ, ഷീജ ജെയിംസ്, സനൽ പി സി, മൻസൂറലി തുടങ്ങിയവർ പങ്കെടുത്തു.