പനമരം: വയനാട് ട്രാക്ടർ ഡ്രൈവേഴ്സ് അസോസിയേഷൻ വാർഷിക ജനറൽ ബോഡിയും സൗഹൃദ സംഗമവും നടന്നു. പനമരം ചാരിറ്റി ഹൗസ് വെച്ചാണ് നടന്നത്. മാനസ് ഗ്രൂപ്പ് റീജിയണൽ മാനേജർ അബ്ദുൾ നാസർ, വയനാട് ട്രാക്ടർ ഡ്രൈവേഴ്സ് അസോസിയേഷൻ പ്രസിഡണ്ട് ബൈജു കല്ലോടി, സെക്രട്ടറി മുജീബ് മുട്ടിൽ, സംഘടനയുടെ മുൻ പ്രസിഡണ്ട് ഹനീഫ പുത്തൻകുന്ന്, സെക്രട്ടറി രാജേന്ദ്രൻ മീനങ്ങാടി എന്നിവർ ചേർന്ന് ഭദ്രദീപം കൊളുത്തി പരിപാടി ഉദ്ഘാടനം ചെയ്തു.
ചടങ്ങിൽ മുണ്ടക്കൈ ദുരന്ത മേഖലയിൽ സ്തുത്യർഹമായ സേവനം കാഴ്ചവച്ച സംഘടനയിലെ മെമ്പർമാരായ ഹനീഫ പുത്തൻകുന്ന്, ലിജോ വെങ്ങപ്പള്ളി, സലാം മേപ്പാടി, ഗ്രേറ്റർ പുൽപ്പള്ളി, അബു താഹിർ ചുണ്ട, മജീദ് കൂളിവയൽ എന്നിവർക്ക് പുറമെ പുൽപ്പള്ളി ഓഫ് റോഡേഴ്സ് ക്ലബ്ബിനും മൊമെന്റുകൾ നൽകി ആദരിച്ചു.